Јокиќ по историската ноќ: Ние сме слични на коњите

Српскиот кошаркар Никола Јокиќ има историска сезона во НБА и како што стојат работите, ќе ја заврши со трипл-дабл просек, нешто што досега успеаја да го направат само двајца кошаркари: Оскар Робертсон и Расел Вестбрук.

Во поразот од Минесота, Јокиќ забележа трипл-дабл со 61 поен, 10 скока и асистенции, со што стана третиот играч што го направил тој подвиг со најмалку 60 поени, но и прв што доживеал пораз по една таква партија.

По натпреварот, кој го доби Минесота со 140:139, од него беше побарано да проговори за својата партија на теренот, и одговорот не разочара.

• Ние сме родени за ова. За тоа мечтаеме уште од мали нозе. Моето мислење е дека коњите се практично исти како спортистите. Тие се многу слични на нас. Имаат различни карактери, дури и на трка. Мислам дека се родени да трчаат, а ние сме родени да играме. Тие тренираат цел живот за тоа, исто како нас – спореди Јокиќ.

На оваа партија на Јокиќ се надоврза и тренерот на Денвер, Мајкл Мелоун.

• Да ми кажевте дека ќе одиме на продолженија, ќе ги изведев играчите порано. Јокиќ одигра 52 минути. Ми рече дека е добро, дека може да игра и така беше –постигна 61 поен, 10 скока, 10 асистенции… Човекот е супермен! – истакна Мелоун.