Јокиќ одговори кој ја заслужува МВП наградата, јасно му е и нему

Српскиот кошаркар Никола Јокиќ одигра уште еден совршен натпревар, таков каков што очекувавме од него оваа сезона. Само 24 часа по тешкиот и болен пораз од Оклахома, Денвер му се реваншираше на истиот тим и славеше на свој терен со 140:127.

По лошата шутерска ноќ претходниот ден, Никола Јокиќ не знаеше да промаши, шутираше 15 од 20 од поле и го заврши натпреварот со 35 поени, 18 скока и осум асистенции. Со оглед на тоа што неговиот најголем конкурент за МВП наградата, Шеј Гилџес-Александер, сега беше малку полош и го заврши натпреварот со 24 поени и далеку помало влијание врз играта на неговиот тим, природно се отвори дискусија кој од двајцата треба да ја добие оваа престижна награда.

Токму затоа, по натпреварот Јокиќ доби прашање на кое само ги крена рамениците.

• Ова ми е трета или четврта година по ред. Не знам, не можам да го контролирам тоа, ја играм најдобрата кошарка во мојот живот, ако тоа е доволно, доволно е. Ако не, и тој е неверојатен, истакна Јокиќ.

Јасно е дека наградата за МВП не му е толку важна на Никола Јокиќ, тој веќе има три, иако ја заслужува и четвртата. Но, и да не ја добие, евидентно е дека нема премногу да жали, бидејќи за него приоритет е освојувањето на уште еден шампионски прстен.