Вишиот суд во Белград за 30 декември ја закажа пресудата на родителите на момчето кое изврши масовно убиство во основното училиште „Владислав Рибникар“ во Белград.
Главниот јавен обвинител на Вишото јавно обвинителство во Белград, Ненад Стефановиќ, побара од судот да им изрече казна на родителите на момчето кое на 3 мај 2023 година застрела девет ученици и еден чувар на тоа училиште и повреди уште пет ученици и наставник.
Стефановиќ смета дека за нив нема олеснителни околности, туку само отежнувачки бидејќи не изразиле ниту каење ниту сочувство кон жртвите.
Изнесувајќи го својот последен говор на судењето, Стефановиќ предложи единствена затворска казна од 14 години и 11 месеци за кривични дела тешко кривично дело против општата сигурност и запуштање и злоупотреба на малолетно лице.
За мајката предложи единствена затворска казна од пет години и пет месеци за сторени кривични дела недозволено поседување оружје и запуштање и злоупотреба на малолетно лице.
Обвинителот предложи максимална казна затвор од три години за инструкторот за стрелање за кривично дело давање лажен исказ.
Вишиот суд во Белград ја закажа пресудата за 30 декември.
ИЗДВОЕНИ
Трендафилов: Загрижува што синдикалната кошница се зголеми за минимални 123 денари, а очекувањата беа дека ќе се намали за 2300 денари
Трамп ја потпиша наредбата со која се става крај на американското државјанство со право на раѓање
Еве го голот на Кузмановски од 15 метри против Австрија (ВИДЕО)
Димитриевски – Рокас: Реформите во администрацијата и правосудството покажуваат дека Владата е на вистинскиот пат
