Откако Ливерпул беше елиминиран од ПСЖ, а претходно Манчестер Сити во плеј-офот од Реал (М), се намали бројот на фаворити за освојување на Лигата на шампионите. Сепак, се уште има големи имиња кои од почетокот важат за фаворити кога е во прашање трофејот, меѓу нив се ПСЖ, Барселона, Реал (М), Баерн…
За помалку од еден месец ќе бидат одиграни четвртфиналните дуели, а дерби од таа фаза се смета за мечот помеѓу Реал (М) и Арсенал. Барселона за ривал ја има Борусија Дортмунд, ПСЖ ќе биде фаворит против Астон Вила, додека Баерн (М) ќе се соочи со Интер.
Без Ливерпул, тешко е да се дадат конкретни предлози за можниот победник во ЛШ, но крилниот напаѓач Ламина Јамал нема премногу дилеми.
„Ние сме фаворити за освојување на Лигата на шампионите сега откако Ливерпул испадна. Не се плашиме од ниту еден тим, ние сме семејство. Не сме исти како пред една година против ПСЖ“, изјави репрезентативецот на Шпанија.
Јамал беше меѓу стрелците и му асистираше на Рафиња во победата на неговиот тим над Бенфика од 3:1 на „Камп Ноу“. Предводникот на Барса, Ханси Флик, се радуваше на голот на Јамал, велејќи: „Среќен сум за него, одамна нема постигнато гол“.
Трофејниот германски стручњак беше прашан дали Барса треба да се смета за фаворит за освојување на Лигата на шампионите оваа сезона, на што тој одговори: „Мора да видиме против кого ќе играме“.
Ако Барса ја елиминира Борусија Д., тогаш се чека победникот од пресметката меѓу Баерн (М) и Интер, па не е исклучено големо шпанско финале со Реал (М), иако не е невозможно да се сретне со ПСЖ во последниот натпревар од европскиот клупски фудбал.
ИЗДВОЕНИ
Кога го прашав Палчо зошто ја уби само ги крена рамениците
Дарко Стојанов се врати дома по лекувањето во Србија: „Лузните на телото ќе останат, но нема да крварат и да болат, ќе крвари раната на душата до крајот на животот“
Истрагата за пожарот во кочанската дискотека „Пулс“ се проширува, пет пациенти во критична состојба
ГНЕВОТ ПО УЖАСОТ ВО КОЧАНИ ГО ИЗНЕСУВА НАРОДОТ НА УЛИЦИТЕ: Граѓанските колони бараат правда, а не партиски неправди
