Израел уби командант на Хамас во Либан, примирјето се понестабилно

Израелската армија соопшти дека го убила Хасан Фархат, командант на палестинската милитантна група Хамас, во регионот Сидон во јужен Либан, пренесува Ројтерс.

Либанското Министерство за здравство соопшти дека три лица се убиени во израелски напад врз стан во Сидон. Канцеларијата на либанскиот премиер Наваф Салам соопшти дека нападот е очигледно кршење на примирјето поддржано од САД, кое стави крај на минатогодишната војна меѓу Израел и групата Хезболах поддржана од Иран.

Примирјето се чини сè понестабилно во последните неколку недели, имајќи предвид дека Израел двапати започна напади врз јужните предградија на Бејрут контролирани од Хезболах, додека двапати беа истрелани ракети врз Израел од Либан.

Хезболах негираше каква било улога во ракетните напади.