Израелскиот премиер Бенјамин Нетанјаху потврди денеска, по падот од власт на сирискиот претседател Башар ал Асад, дека и наредил на армијата да ја преземе контролата врз тампон зоната Голан, на југозападниот дел на Сирија, на работ на делот од ова плато. што беше окупирана и припоена од Израел.
Исто така, беше дадена наредба да се преземе контрола врз соседните стратешки позиции, од североистокот на окупираниот Голан и набљудувачката точка со поглед на областа, рече Нетанјаху.
Израел зазеде дел од Голан од Сирија за време на арапско-израелската војна во 1967 година, пред да ја анектира територијата во 1981 година. Оваа анексија не е призната од ОН, кои ги испратија своите сили во тампон зоната во 1974 година за да го надгледуваат прекинот на огнот.
Тој договор со Сирија повеќе не е валиден по молскавична офанзива на бунтовниците со која заврши половина век владеење на кланот Асад во Сирија, рече Нетанјаху, додавајќи дека Израел „нема да дозволи никаква непријателска сила да се воспостави на границата“.
Армијата соопшти дека е распоредена на неколку клучни точки за одбрана и обезбедување на безбедноста на заедниците на Голанската висорамнина и на израелските граѓани.
