По повод Светскиот ден на лицата со церебрална парализа, во Домот на културата „Билјана Беличанец“ денеска беше отворена изложба на изработки подготвени од децата со церебрална парализа.
Изложбата ја посети и градоначалникот на Општина Кисела Вода, Орце Ѓорѓиевски.
– Темата на која се твореше е Македонија, а тука беше претставено целото наше културолошко непроценливо наследство и традиција кои се дел од нашата историја, корени и нашата иднина гледана преку очите на лицата и децата со церебрална парализа. Овој ден е само уште еден повод да се сретнеме и да си го разубавиме секојдневието, бидејќи нашите дружби се доста чести. Следејќи ги нивните потреби, им отворивме Клуб како соодветен простор за игра и дружење, кој е целосно финансиран од мене и мојот тим. Внимаваме на нивната социјализација, на нивната инклузија и како човек и градоначалник секогаш ќе бидам тука за нив. Сите заслужуваат еднаква шанса -изјави Ѓорѓиевски.
