Итно предупредување до населението: Во длабочините на пеколот во Лос Анџелес демне нова опасност – не пијте ја водата!

Жителите на Лос Анџелес кои живеат во близина на епицентарот на пожарот се повикани да избегнуваат да ја пијат водата во своите домови.

Американските власти се борат со застрашувачки шумски пожари кои продолжуваат да се шират низ областа на Лос Анџелес.

Околу 2.500 членови на Националната гарда на Калифорнија наскоро ќе помогнат во борбата против трите преостанати пожари, откако гувернерот Гевин Њусом го објави последното распоредување на војници.

Во последните денови, повеќе од 15.000 пожарникари, работници за одржување на патиштата и транспортни тимови се приклучија на напорите за гаснење на смртоносните пожари во Лос Анџелес. Во акцијата за гаснење на пожарот учествуваа 1.350 противпожарни возила и 80 авиони.

Сепак, по неколкудневна борба, само мали делови од пожарот се изгаснати и тие продолжуваат да беснеат во овој дел на Калифорнија.

Во меѓувреме, експертите предупредија дека „експлозивен раст на пожар“ би можел да го погоди регионот во наредните денови бидејќи ветровите ќе се засилат и ќе ги разгорат постоечките пламени, додека резиденциите на славните во Брентвуд и долината Сан Фернандо наскоро би можеле да бидат погодени од пеколни пожари.

– Припадниците на Националната гарда на Калифорнија се на терен уште од првиот ден. „Не само за гаснење на пожарите, туку и за помош во напорите за одржување на безбедноста во деловите на градот што се опустошени од овие пожари“, рече Гевин Њусом.

Во Лос Анџелес се на сила неколку сериозни предупредувања, вклучително и известувања за евакуација, а најновите ги повикуваат жителите да не пијат вода од чешма во своите домови.