Итно повлекување на два производи опасни за консумирање

Две компании најавија повлекување на производите поради можни метални честички кои може да ги има во некои пакувања. Станува збор за торта со јаболка и ќебапи, кои се дистрибуираат во бројни трговски синџири низ Германија. На потрошувачите им се препорачува да бидат внимателни.

„B+F Bakeri & Food GmbH“ објави повлекување на производот „Apfel-Streuselkuchen“ во пакување од 1250 грама со рок на траење од 05/2026 година и број на серија 5036. Според компанијата, на површината на некои колачи може да има метални фрагменти, што може да претставува сериозна опасност за потрошувачите.

Од безбедносни причини, се препорачува да не се консумира производот, туку да се врати во продавницата каде што е купен. Враќањето е можно без приложување на фактура, а на клиентите ќе им биде вратен целиот износ. Производите со ист датум на истекување, но со различен број на серија, не се опфатени со ова отповикување.

Исто така, се повлекува уште еден производ.

„Tillman’s Convenience GmbH“ предупредува на потенцијална опасност во уште еден производ – ќебапи, кои се со рок на траење од 14.06.2024 година и сериски број 38111190. При внатрешна контрола не беше можно да се исклучи присуството на мали остри метални честички во поединечни пакувања кои може да доведат до сериозни повреди при конзумирање.

На потрошувачите им се препорачува да не го консумираат производот, туку да го вратат во која било продавница каде што го купиле. Рефундирањето е можно без фактура.