Италија ќе побара од Европската унија да подготви мерки за компензација за секторите кои би можеле да бидат погодени од американските царини, изјави денеска италијанскиот министер за индустрија Адолфо Урсо.
Тој истакна дека американско-европскиот царински конфликт ги загрозува трансатлантските деловни односи и дека треба да се избегне трговска војна, објави Ројтерс.
Откако Вашингтон воведе царини за увоз на челик и алуминиум минатата недела, ЕУ подготви планови за контрамерки против САД.
Американскиот претседател Доналд Трамп, исто така, се закани со царини од 200 отсто за вино и алкохолни пијалаци од Европската унија.
„Ќе побараме од Европската унија да обезбеди мерки на компензација за секторите погодени од американските царини“, рече Урсо.
Овој истакнат член на партијата Браќа од Италија на премиерот Џорџо Мелони рече дека треба да се избегне трговска војна со потенцијални глобални последици, нагласувајќи дека САД претставуваат еден од главните трговски партнери на Италија надвор од Италија.
Тој, исто така, го повика Брисел да одговори на тарифите на пропорционален начин, избегнувајќи ескалација.
„Мораме да бидеме претпазливи, одговорни и да дејствуваме пред да реагираме и да ги искористиме нашите одлични односи со американската администрација за да избегнеме ескалација на закани, а потоа и одмазда“, рече Урсо.
Премиерката Мелони, блиска до Трамп, ги предупреди европските партнери да не го ескалираат трговскиот спор со САД преку одмазднички царини, пренесува Танјуг.
ИЗДВОЕНИ
Две трагедии, иста причина! Премногу сличности меѓу пожарите во дискотеките во Кочани и Букурешт пред 10 години
Владата ги задолжи државните институции, а им препорача на локалната самоуправа и на приватните фирми од Кочани утре да ги ослободат од работни обврски своите вработени
Беше стравично, видов се што човек не би посакал да види, помагав колку што можев!
Опасни журки – пиротехника, евтина електрика, рефлектори, лесно запаливи сценски платна…!
