Историски состанок во Ријад: Русите и Американците ги истакнаа своите приоритети!

Од страна на
Вечер
-
2093
EPA-EFE/RUSSIAN FOREIGN MINISTRY PRESS

Руски и американски дипломатски делегации одржуваат разговори во Ријад, главниот град на Саудиска Арабија, со цел обновување на дипломатските односи, подготовка на теренот за самит меѓу рускиот претседател Владимир Путин и неговиот американски колега Доналд Трамп и поставување на основите за решавање на конфликтот во Украина.

Американската страна нагласи дека денешниот состанок не е за започнување преговори, туку за утврдување дали Русија е сериозна за завршување на војната во Украина. Русија, од друга страна, вели дека нејзин приоритет е да започне нормализирање на односите со САД.

Според портпаролот на Кремљ, Дмитриј Песков, една од главните теми на преговорите ќе бидат подготовките за средбата меѓу лидерите на Русија и САД.

Според Си-Ен-Ен, делегацијата на САД во Ријад ја сочинуваат државниот секретар Марко Рубио, помошникот за национална безбедност на американскиот претседател Доналд Трамп, Мајкл Валц, и специјалниот пратеник на американскиот лидер за Блискиот Исток, Стивен Виткоф.

Преговараат Русите и Американци, но каде е Зеленски?

Руската делегација, пак, ја сочинуваат рускиот министер за надворешни работи Сергеј Лавров и советникот на Владимир Путин Јуриј Ушаков.

Бидејќи и Лавров и Ушаков се искусни дипломати кои со години му помагаат на Путин да ја спроведе руската надворешна политика, има многу оценки дека Русите испратиле „тешка артилерија“ на преговорите против „лесната категорија“ од САД.

ИЗДВОЕНИ

ПОВРЗАНИ ОБЈАВИПОВЕЌЕ ОД АВТОРОТ