Драматичниот натпревар меѓу Турција и Чешка имаше бурна завршница. Турците по голема борба успеаја да ги победат Чесите и да го освојат второто место во групата Ф, а натпреварот го одбележаа голем број картони. Романскиот судија Истван Ковач покажа дури 18 јавни опомени – 16 жолти и два црвени картони – што е нов рекорд на ЕП.
Веќе во 20. минута Чесите останаа со играч помалку бидејќи Антонин Барак го доби вториот жолт или црвен картон. На крајот од натпреварот црвен картон доби и Томаш Чори.
Турција со гол во 94. минута победи со 2:1 и го потврди второто место во групата, додека Чешка натпреварувањето го заврши на четвртото место.
Турција во осминафиналето ќе игра против Австрија, а тој дуел е закажан за 2 јули во Лајпциг.
