На аеродромот во Истанбул започна ерата на три симултани писти. Со новиот систем, три авиони ќе можат истовремено да слетуваат и полетуваат од аеродромот во Истанбул, објави ТРТ.
Говорејќи на церемонијата по повод започнувањето на истовремени операции од три писти на аеродромот во Истанбул, турскиот министер за транспорт Абдулкадир Уралоглу рече дека од денеска три авиони ќе можат истовремено да слетуваат или полетуваат од целосно независни писти на овој аеродром.
– Ова не е само прв пат за Турција, туку и за европската авијација, историски чекор на глобално ниво. Турција е единствената земја која по САД ја воведе оваа практика – рече тој.
🇹🇷Türkiye Avrupa'da bir ilki başardı.
🛫İstanbul Havalimanı'nda aynı anda 3 pistten 3 uçağın iniş ve kalkış yapmasına imkan tanıyan sistem hayata geçirildi. pic.twitter.com/C5niDyDCX3
— TRT HABER (@trthaber) April 17, 2025
