Инцидент во Даблин: Неколку лица се избодени со нож во близина на центарот на градот – напаѓачот е уапсен

Полицијата уапсила маж во Даблин откако неколку лица биле избодени со нож, јавува Скај њуз. Инцидентот се случил во населбата Стонибатер, во близина на центарот на Даблин. Засега не се знае во каква состојба се нападнатите.

Според соопштението на ирската полиција, мажот моментално е во притвор во полициска станица во областа Северен град.

„Во овој момент нема опасност за јавноста. Дополнителни информации ќе бидат достапни подоцна“, рече портпаролот на полицијата.

На местото на настанот се присутни голем број полициски службеници и други служби за итна помош.