Инцидент во близина на централниот плоштад во Амстердам – најмалку пет лица се повредени во напад со нож

Најмалку пет лица се повредени во напад со нож во близина на централниот плоштад Дам во Амстердам, соопшти полицијата.

Според првичните информации, осомничениот за нападот е уапсен, но се уште не е познат мотивот за нападот.

„Во моментов немаме информации за причината или мотивот на инцидентот со прободување. Ова е предмет на нашата истрага“, соопшти полицијата во Амстердам, која ги повика граѓаните кои имаат снимки од инцидентот да им ги испратат, соопшти „Индепендент“, пренесе Индекс.хр.

Локалните медиуми јавуваат дека полицијата ја опколила областа на Sint Nicolaasstraat и самиот плоштад Дам. На снимките објавени на социјалните мрежи се гледа како хеликоптер слетува на плоштадот, додека повредените се транспортираат во болница.

Нападот се случил нешто пред 15:30 часот. локално време. Весникот De Telegraaf наведува дека најмалку четиринаесет полициски возила и еден полицаец на мотор пристигнале на местото за 15 минути.

На местото пристигнал и хеликоптер.

Градоначалничката на Амстердам, Фемке Халсема, главниот обвинител Рене де Беукелаер и началникот на полицијата Питер Хола се состанаа на консултации по нападот.

Плоштадот Дам е едно од најпосетуваните места во главниот град на Холандија, лоциран во историскиот центар на Амстердам и опкружен со знаменитости како што е Кралската палата.

🚨🚨 Mass stabbing attack in central Amsterdam

An unidentified man with a knife attacked pedestrians at Dam Square, injuring at least 5 people.

The attacker has been detained, but his motive remains unknown. pic.twitter.com/Cow1jUi3y1

— NEXTA (@nexta_tv) March 27, 2025