Новиот постојан претставник на САД во НАТО, амбасадорот Метју Витакер, ја потврди целосната посветеност на неговата земја кон НАТО и членот 5 од Вашингтонскиот договор. Ова се наведува во соопштението на американската делегација во НАТО по повод вчерашното инаугурирање.
-Подготвен сум веднаш да почнам со работа и со нетрпение очекувам да и помогнам на Алијансата да ги направи потребните трајни промени, рече амбасадорот во изјавата.
Витакер додаде дека главните задачи на неговата работа ќе бидат промовирање мир и стабилност преку сила, споделување на товарот на активностите на пактот и зголемување на инвестициите во одбраната; поддршка за водечката улога на Европа во постигнувањето траен мир во Украина и обновување на земјата. Тој нагласи дека одржливоста на НАТО се заснова на тоа секој сојузник да придонесе со правичен дел, нагласува амбасадорот.
