Почина истакнатиот македонски продуцент Панче (Панта) Мижимаков (1946-2025), кој во својата обемна професионална биографија вбројува големи успеси на македонската кинематографија.
Мижимаков студирал на Академијата за театар, филм, радио и ТВ во Белград. Често работел на копродукциите и странските продукции кои се реализираат во Македонија и Југославија. Во ‘Вардар филм’ соработува на поголем број играни, документарни и кратки филмови. Од 1991 е еден од основачите и директор на приватната продукциска куќа ‘Пегаз’, со којашто има реализирано неколку филмски проекти.
Бил продуцент и менаџер на продукција на филмовите: „Среќна Нова“, „Преку Езерото“, „Џипси Меџик“, „Миротворец“, „Татко (Колнати сме Ирина)“, „Најдолгиот пат“, „Исправи се Делфина“, „Црвениот коњ“, „Тајната книга“ и многу други значајни филмски остварувања.
„Филмот ни даде повеќе нам, отколку ние него. Ни даде сѐ. Работејќи и патувајќи низ светот, запознавме луѓе за кои не сме можеле ни да замислиме. Кога би бирал пак во животов, пак би работел во филмот“, кажа во една прилика Мижимаков.
ИЗДВОЕНИ
Tрамп најави неколку иницијативи за зајакнување на националната одбрана, се отвора нова канцеларија – „ќе ја воскреснеме индустријата“
Голема временска аномалија во Македонија: Календарски уште незапочната, пролетта со карактеристики на рано лето!
„Францускиoт нуклеарен арсенал – штит за цела Европа“: Макрон ќе започне дискусија за заштита од Русија која „станала директна закана“
Стармер дециден: Не сакам да ја вовлекувам Британија во војна со Русија
