Платформата на на Маск „X“, ТикТок, и „Инстаграм“ и на „Мета“ добија наредба од регулаторот за медиуми во Ирска да преземат „неопходни мерки“ за да спречат прикажување терористички содржини според новите закони за безбедност на интернет.
Ирскиот медиумски регулатор Coimisiún na Meán ја донесе одлуката откако истрагата покажа дека социјалните мрежи биле „изложени на терористичка содржина“ поради слабите безбедносни мерки.
Овие одлуки доаѓаат кога мрежата се соочила со најмалку две наредби за отстранување од властите на ЕУ, обично полицијата, а понекогаш и регулаторите, во изминатите 12 месеци.
Наредбите според регулативата на ЕУ за терористичка содржина обично бараат содржината да се отстрани во рок од еден час по издавањето на наредбата.
Ирската комисија за медиуми им даде на социјалните мрежи 12 недели да воведат „ефективни, насочени и пропорционални“ мерки за борба против терористичките содржини со почитување на правото на слобода на говор.
„ТикТок“, „X“ и „Мета“ (во однос на Instagram) ќе бидат обврзани да преземат конкретни мерки за заштита на нивните услуги од користење за ширење на терористичка содржина и да ги пријават преземените мерки до Coimisiún na Meán во рок од три месеци од добивањето на одлуката. “ се вели во соопштението.
Меѓу неопходните мерки е и вклучување на одредби за злоупотреба на платформите во условите за користење.
Доколку ирската комисија оцени дека мерките не се доволни, може да изрече казни до 4% од глобалниот приход.
Европската комисија отвори голем број истраги за онлајн платформите откако стапи на сила Законот за дигитални услуги, но ирскиот регулатор има посебна улога бидејќи технолошките компании на ЕУ се со седиште во Даблин.
Обемот на проблемот со кој се соочуваат европските регулатори беше истакнат во мај, кога европскиот комесар за внатрешни работи Илва Јохансон објави дека се издадени повеќе од 550 наредби за симнување откако стапија на сила антитерористичките регулативи.
Загриженоста за терористичката содржина на многу социјални мрежи е зголемена по нападот на Хамас врз Израел во октомври и апсењата во Германија поврзани со наводниот обид за државен удар.
Во септември, ирската комисија за медиуми изрази загриженост дека луѓето имаат потешкотии да пријават нелегална содржина на онлајн платформите и најави отпочнување на официјален преглед на достапните процеси за известување.
