Доналд Трамп им вети на илјадници обожаватели на биткоинтот дека како претседател ќе ја направи Америка „биткоин суперсила на светот“ и доби широка поддршка од пазарот кој се чувствува загрозен од регулаторното внимание.
Со ентузијастички про-крипто говор, поранешниот американски претседател и кандидат на претстојните избори во ноември се обиде да ги продлабочи своите врски со индустријата, која е уморна од перцепираниот прогон од администрацијата на Бајден и е подготвена да потроши многу за да обезбеди попријателска публика во Вашингтон, пренесува порталот „Бизнис“.
Коментарите на Трамп на годишната конференција за Биткоин во Нешвил, прва за претседателски кандидат на една голема партија, означија пресврт за човекот кој пред само три години го критикуваше биткоинот како „измама“ што му се закануваше на американскиот долар.
Позитивниот ефект од изјавата на Трамп му помогна на биткоинот да го достигне највисокото ниво во последните шест недели во понеделникот, накратко достигна 70.000 долари, блиску до неговиот историски максимум од нешто повеќе од 73.000 долари.
Кампањата на Трамп за прифаќање на криптовалутите трае со месеци. Тој рече дека неговата кампања добила повеќе од 25 милиони долари во крипто-донации. Неговиот партнер Џеј-Ди Венс поседува 250.000 долари во биткоинти.
