Илјадници владини документи за комуникациите на покојната кралица Елизабета и нејзиниот сопруг принцот Филип треба да бидат објавени во следните две години, а истражувачите стравуваат дека документите би можеле да бидат предмет на цензура, објавија денеска британските медиуми.
Документите треба да бидат објавени во 2026 и 2027 година, пет години по смртта на кралската двојка, а во кралската палата веќе започнаа внатрешни разговори за тоа како да се постапува со документите и што треба да остане доверливо, пишува весникот „Гардијан“.
Документите најверојатно ќе вклучуваат настани што ги одбележаа врвовите и падовите на нејзиното 70-годишно владеење, како и кореспонденција со членовите на кралското семејство и владините оддели, евиденција за патувања во странство и други детали поврзани со раѓања, смртни случаи и разводи во рамките на семејството.
Повеќето јавни документи од историско значење обично се објавуваат по 20 години, но има исклучоци кога станува збор за владини документи важни за националната безбедност.
Архивите на кралското семејство од Виндзор не се сметаат за јавни документи, наведува „Гардијан“.
Документите кои се однесуваат на комуникациите на монархот се чуваат во тајност додека не поминат пет години од нивната смрт, пренесува Танјуг.
ИЗДВОЕНИ
Пикот на грипот се очекува од крајот на јануари, короната нема сила како во годините кога царуваше!
Грција станува луксузна дестинација за летување, заедно со аранжманите поскапе и туристичката такса!
ЖИВОТНИ ПАТОКАЗИ, ЗОРАН КРСТЕВСКИ: Мисли позитивно
Мирно и без инциденти заврши чествувањето за Мара Бунева (ФОТО)
