„Игра на тронови“ повеќе не е фикција, научниците ги оживеаја волците од серијата со ДНК стара 72.000 години/ВИДЕО

Од страна на
Вечер
-
834
screenshot X Colossal Biosciences

„Dire wolf“ – вид на волк кој исчезна пред 13.000 години и стана познат благодарение на популарната „Игра на тронови“ – се враќа меѓу живите, благодарение на првиот досега успешен обид за таканаречено „деекстинција“.

Три младенчиња, симболично наречени Ромул, Ремус и Калиси, беа успешно родени со помош на ДНК од фосилни волци и гени од нивниот најблизок жив роднина, сивиот волк.

Оваа вест во понеделникот ја објави компанијата Colossal Biosciences со седиште во Тексас.

„Нашиот тим зеде ДНК од заб стар 13.000 години и череп стар 72.000 години и успеа да создаде здрави волци од овој вид“, изјави извршниот директор на „Колосал“, Бен Лам.

„Порано се мислеше дека секоја доволно напредна технологија не се разликува од магијата. Денес, нашиот тим може да прикаже дел од таа магија и нејзиното пошироко влијание врз зачувувањето на природата“, додаде тој.

Според компанијата, за создавање на овие неодоливо слатки младенчиња, користени се висококвалитетни клеточни линии кои биле клонирани со методот на нуклеарен трансфер на соматски клетки, потоа вметнати во донаторски јајца и префрлени на сурогат мајка, која ги родила во јануари.

Древната ДНК е земена од фосилизиран заб пронајден во Охајо, стар околу 13.000 години и од коска од внатрешното уво пронајдена во Ајдахо, стара околу 72.000 години. Двајца шестмесечни мажјаци, Ромулус и Ремус, и женката Калиси, сега живеат во ограден еколошки резерват на површина од над 2.000 хектари, каде што се згрижени 24 часа на ден од тим од десет вработени.

Волците се појавуваат во серијата „Game of Thrones“, како и во серијата „A Song of Ice and Fire“ на Џорџ Р.Р. Мартин, на која се базира серијата. Во приказната, тие се белег на куќата Старк.

Слушнете како звучат Ромулус и Ремус – ова е првото завивање на овој вид на волци по повеќе од десет милениуми

ИЗДВОЕНИ

ПОВРЗАНИ ОБЈАВИПОВЕЌЕ ОД АВТОРОТ