И на Сидорф му се гади од безобразлукот на Вини

Винисиус Жуниор е фудбалер од светска класа и нема никаква дилема кога се во прашање неговите играчки квалитети. Бразилецот може да излези на крај со било кој дефанзивец, но истото не може да се рече кога се во прашање противничките навивачи.

Поради неговото однесување и театралноста, без потраба започнува расправија со противниците и судиите, Вини е главна мета на противничките навивачи кои често пати го навредуваат на расна основа.

Манчни сцени беа видени и на реваш 1/8 финалниот дуел во Лигата на шампиони помеѓу Атлетико (М) и Реал (М). Благодарение на пенал рулетот „кралскиот клуб“ се пласира во следната елиминациска рунда, а Вини освен со противничките дефанзивци, цел натпревар водеше безпотребна војна и со навивачите на популарните „јорганџии“.

Таквото негово однесување не му се допадна ниту на легендарниот холандски фудбалер, Кларенс Сидорф.

-Не ми се допаднаа некои постапки на играчите на Реал (М). Мора да ги почитувате противничките навивачи; не ми се допаѓаат тие работи. Јасно е дека навивачите на Реал (М) беа многу високо на трибините, но видов некои гестови кои не ми се допаднаа. Видов некои работи за кои нема да зборувам овде, изјави поранешниот холандски играч за врска и додаде:

-Кога победувате, тоа мора да го правите со вистинските вредности. Се надевам дека грешам, но тие покажаа некои работи кои може да вродат со плод по патот, бидејќи секогаш е потребна почит“, заклучи Сидорф.

Треба да се напомене дека брутални беа и навивачите на Атлетико, па пред натпреварот беа забележани расистички навреди. Покрај тоа, бил прикажан и плишан мајмун како виси на стап. И песната „Vinicius chimpanzee“ беше испеана на ист начин во март, непосредно пред почетокот на натпреварот. Навивачите на Атлетико (М) го сметаат Бразилецот за непријател број еден.