Хрватска: Се чекаат резултатите од обдукцијата на безживотните тела на бебињата закопани во двор – осомничените родители не се под мерки за претпазливост

Осомничените родители кои ги закопаа безживотните тела на нивните две деца во шумата во близина на нивниот дом се ослободени со кауција. Се вратија во истата куќа, пренесе Индекс.хр.

„Притворот против обвинетите беше одреден и продолжен само поради ризик од влијание врз сведоци. Тоа беше единствениот основ за притвор во согласност со законот. Одлучено е дека притворот е укинат затоа што веќе немало ризик да се влијае врз сведоците, бидејќи тие биле сослушани“, изјави Игор Павлиќ, портпарол на Жупанискиот суд,  за дневниот на Нова ТВ.

Родителите се уште негираат вина, но соработуваат со случајот.

За нив не беа преземени никакви мерки на претпазливост.

„Тие се товарат за кривично дело против деца, дека грубо ги запоставиле децата, што резултирало со најлоша последица – смрт на две деца“, објасни Павлиќ.

Ова е казниво со затвор од 3 до 15 години. Ним им се заканува уште пет години затвор за кршење на правата на третото дете, кое во моментов е под заштита на Центарот за социјални работи.

“Тие се вратија во својата куќа каде што живеат. Не им се изречени мерки на претпазливост. Истражните мерки се во тек и се уште не се завршени. По завршување на истрагата ќе биде или нема да биде поднесен обвинителен акт”, изјави адвокатот Рајко Руднички.

Извештајот од обдукцијата не е целосен.

Се уште не се познати точната причина за смртта и возраста на двете бебиња бидејќи резултатите од обдукцијата не се целосни. Живееле според специфични религиозни правила и верувања, но негираат дека припаѓаат на некоја секта. Мештаните не ги познаваа.

„Ќе има шок и шокот ќе трае. Сепак, како што реков, никогаш претходно не сме имале проблеми со тоа семејство. Тие се повлечени, не беа активни во заедницата и мислам дека тоа уште повеќе ќе ги оддалечи од луѓето. Во овој момент можам да кажам дека никој не ги видел“, истакна градоначалникот на општина Љубешчица, Ненад Хорватиќ.

Истрагата е во тек и се чека датумот за судење во Жупанискиот суд во Вараждин.