До 31 март, Хрватската радио-телевизија (ХРТ) ја напуштија 333 вработени кои потпишаа меѓусебен раскин на договорите за вработување врз основа на Одлуката за условите и висината на отпремнината, која во јануари ја донесе генералниот директор Роберт Швеб, а се применуваше до последниот ден од март.
Во тој документ било предвидено дека максималниот износ на отпремнина не може да биде поголем од 90.000 евра бруто по вработен, а вработените кои ги исполнувале условите за стекнување право на отпремнина ги определувал работодавачот.
Критериумите за тоа беа дека работникот не треба да биде заменет со ангажирање друг работник надвор од ХРТ, да има минимален работен стаж во ХРТ од пет години и да има најмалку 24 месеци до навршување на 65 години.
Програмската деловна единица ја напуштиле најголемиот број вработени во ХРТ – 123, потоа технолошката, каде 122 вработени го прифатиле понудениот спогодбен раскин на договорите за вработување со финансиска компензација.
Во образложението на одлуката се наведува и дека „со цел рационализација на оперативните трошоци на ХРТ, Владата на Република Хрватска на ХРТ и обезбедила финансиски средства во износ од 28 милиони евра во државниот буџет, а ХРТ одлучила да обезбеди отпремнини за работниците кои ги исполнуваат условите“.
Во времето на усвојувањето на планот за консолидација, ХРТ вработуваше околу 2.700 работници, а со прифаќањето на отпремнините, досега хрватскиот јавен медиумски сервис го напуштија 333 работници или околу 12 отсто од вкупната работна сила.
ИЗДВОЕНИ
Трамп воведе царини од 33% за Македонија!
Жена повредена во сообраќајна несреќа на „Партизанска“: Кривична пријава ќе биде поднесена против 26-годишникот кој удрил во неа
Трамп и се обрати на нацијата: На полноќ стапуваат на сила царините од 25 отсто за сите автомобили од странско производство
„НИ ГИ УКРАДОА ИЗБОРИТЕ СО СКАНДАЛОЗЕН МАНЕВАР“: Ле Пен го „преспа“ шокот од пресудата, денеска тргна во контранапад
