Христов најави дека Бучковски ќе дојде на чествувањето за Делчев во Софија

Поранешниот македонски премиер Владо Бучковски ќе присуствува концертот во бугарската метропола Софија, во вторник, на кој ќе се одбележи 153-годишнина од раѓањето на Гоце Делчев. Ова денеска на социјална мрежа Фејсбук го соопшти Христо Христов, претседател на Меѓународната фонадација за соработка и културен натпревар „Гоце Делчев“, кој е организаторот на концеротот закажан во Софија. Тој рече дека неколку поканети гости од Македонија не се одзвале на поканата.

-Промените во програмата се наложија последниве денови. Не сме ги барале ние. Луѓето кои се откажаа се нашите блиски и не занеме што се случило. Добивме неколку негативни одговори – од претседателката Гордана Сиљанмовска, од министрите Владо Мисајловски, од Весна Јаневска и од Орхан Муртезани. Ќе дојдат други личности, поранешниот министер Владо Бучковски. Чествувањето ќе се оддржи на истото место и во исто време. Но, ќе има мала промена во програмата – наведе Христов.

Тој неодамна информира дека на концертот се поканети македонската претседателка Гордана Сиљановска Давкова и премиерот Христијан Мицкоски, како и други министри. На концертот беше предвиден и настап на македонската поетеса Валентина Божиновска и на оперската пеачка Илина Митревска. Но, подоцна, тој добил известувања дека Божиновска и на Митревска го откажале доаѓањето.

Инаку, бугарското МНР вчера соопшти дека и годинава нема да има заедничко чествување на Софија и Скопје за Гоце Делчев. Наведено е дека годишнината од раѓањето на Гоце Делчев ќе биде одбележана од бугарската Амбасада , Генералниот Конзулат во Битола и локални Бугари кои ќе се поклонат пред неговото вечно почивалиште во црквата Св. Спас во Скопје. (Б.Ѓ.)