Во пресрет на инаугурацијата на новиот американски претседател Доналд Трамп на 20 јануари, хотелите во Вашингтон нудат голем број луксузни и ексклузивни ВИП пакети, вредни по десетици илјади долари, додека најскапиот пакет за четири ноќевања чини 350.000 долари, пренесе Washingtonian.

Новоизбраниот претседател Трамп треба да положи заклетва пред членовите на Конгресот и Врховниот суд на скалите на Капитол, со што ќе го означи почетокот на неговиот втор мандат како претседател и неделата на церемонии на инаугурација низ градот.

Во рамките на подготовките за овој настан, хотелите во Вашингтон, како дел од нивните ВИП пакети, меѓу другото нудат и услуга во соба за домашни миленици, батлери кои ќе бидат на повик 24 часа, возење со хеликоптер и шопинг.

Еден од најскапите пакети го нуди хотелот Саламандер ДЦ, чиј пакет за четири ноќевања чини вкупно 244.700 долари. Хотелот, кој се наоѓа на кратко пешачење од споменикот Вашингтон, им нуди на посетителите инаугуративен пакет кој вклучува повратен трансфер до аеродром за најмногу шест гости, 24-часовна батлер услуга, храна и пијалоци и спа ден во хотелот.

Хотелот „Вотергејт“ нуди пакет за инаугурација со значително пониски цени од „Саламандер“, а три ноќевања таму за инаугурацијата на Трамп чинат 73.500 долари. Луксузниот престој таму, продаден како пакет зделка наречен „Шеф на државата“, вклучува превоз до и од Њујорк со хеликоптер Блејд, како и дневен возач во блиндиран Мајбах.

Гостите ќе имаат пристап до приватна дегустација на виски, канцелариски материјал, прилагоден восочен печат, кристал Вотергејт како спомен, како и обиколка на „Скандалозниот апартман“ во којшто петмина мажи, кои провалија во апартманот и упаднаа во Демократскиот национален комитет во хотелскиот и канцеларискиот комплекс Вотергејт, а скандалот резултираше со оставка на тогашниот американски претседател Ричард Никсон во 1974 година.

Најраскошниот пакет за гостите на инаугурацијата на Трамп го нуди хотелот Фермонт во Вашингтон, лоциран во богатата градска населба Џорџтаун, каде четири ноќевања чинат 350.000 долари, а вклучува и авионски билет за повратен пат за четири лица и нивното милениче од каде било во САД, престој во хотелот Фермонт во Вашингтон, и хотелска соба во новиот претседателски апартман, двајца батлери, превоз до инаугуративните настани и оброци, вклучително и некои за домашни миленици донесени во хотелот.

Гостите на Фермонт ќе бидат почестени со шопинг од 25.000 долари во луксузниот трговец на мало Saks 5 Avenue, средување на фризурата и шминката ќе бидат достапни на лице место, а професионален фотограф ќе ги придружува гостите во текот на нивниот престој во Вашингтон, за да се осигура дека имаат квалитетни спомени за време на престојот.

ИЗДВОЕНИ

ПОВРЗАНИ ОБЈАВИПОВЕЌЕ ОД АВТОРОТ