Хорор во БиХ! Млад човек (24) убил свој врсник, па се обидел да му го исече телото да го прикрие убиството

Безживотно тело е пронајдено во населбата Лука во Високо (БиХ), а според неофицијални информации, младиот човек ја убил жртвата, а потоа се обидел да го исече телото и да го сокрие во куфер.

Како што јави локалниот портал Високо, синоќа е уапсен Б.Д., жител на Високо, под сомнение дека го извршил убиството на П.Е.(24), жител на Сараево.

Убиството наводно се случило во 03:00 часот по неколкудневна „журка“ во стан во населбата Лука, во близина на Градскиот стадион.

Полицијата потврди дека вчера во 18.35 часот во Полициската станица Високо дошло лице со иницијали И.М. и пријавило дека маж со иницијали Б.Д.(2001) од Високо признал дека во неговиот стан убил лице со иницијали П.Е.(2001).

– Пронајдено е безживотно тело. Истрагата е спроведена во текот на ноќта под надлежност на дежурниот обвинител. Убиецот е уапсен“, извести локалната полиција.

Првичните информации говорат дека младиот човек ја убил жртвата, а потоа ја исекол на парчиња во обид да го скрие телото.