Шефот на канцеларијата за медиуми на Хезболах, Мохамед Афиф, денеска изјави дека ниту една израелска војска не навлегла на либанска територија и предупреди дека нападите на групата врз Тел Авив неколку часа претходно се „само почеток“.
Во писмена изјава за Ројтерс, Афиф рече дека Хезболах не учествувал во „директни копнени судири“ со израелските војници, но дека ќе биде подготвен да го стори тоа.
Претходно денеска Хезболах ја презеде одговорноста за ракетниот напад врз централен Израел, велејќи дека лансирал ракети Фади-4 во базата Глилот во близина на Херцлија, каде се наоѓа армиската единица 8200 и седиштето на израелската разузнавачка агенција Мосад.
