Палестинската милитантна група Хамас денеска соопшти дека нема напредок во преговорите за втората фаза од прекинот на огнот во Појасот Газа во петокот во Каиро.
Официјалниот претставник на Хамас, Басем Наим потврди за АП дека не е постигнат договор пред вчерашното враќање на израелската делегација во Израел и додаде дека не знае кога би можеле повторно да започнат преговорите.
Хамас не присуствуваше на разговорите, но ставот на групата беше претставен преку египетски и катарски посредници, додека израелски и американски претставници беа исто така присутни во Каиро.
Претходно денеска Хамас објави дека ја отфрлил израелската „формулација“ за продолжување на првата фаза од прекинот на огнот во Појасот Газа, кој истекува денеска.
Два египетски извори во петокот рекоа дека Израел бара продолжување на првата фаза за дополнителни 42 дена.
Двајца израелски владини претставници потврдија за Ројтерс дека Израел сака да ја продолжи почетната фаза, во која Хамас ќе ослободува по тројца заложници секоја недела во замена за Палестинците во израелските затвори.
ИЗДВОЕНИ
„Сите во Париз, ние во Ниш“: Големиот протест започна, студентите искажуваат незадоволство и со тави, тенџериња…/ВИДЕО
Курдите прогласија прекин на огнот со Турција во 40-годишниот конфликт
ПРЕГАЗЕН МАЛОЛЕТНИК ВО ТЕТОВО: Возачот побегнал од местото на несреќата
Баба Марта ќе го покаже табиетот уште викендов: Ќе имаме многу променливо време, најпрвин натпросечно топло, а потоа…
