Палестинското движење Хамас објави во вторникот дека на неодредено време го одложува ослободувањето на групата израелски заложници кои се држат во енклавата Појасот Газа, наведувајќи дека Израел не се придржувал на условите од нивниот договор за прекин на огнот.
Дополнителна група заложници требаше да бидат ослободени во саботата во замена за десетици палестински затвореници во рамките на договорот за прекин на огнот кој стапи на сила на19-ти јануари.
Портпаролот на Хамас, Абу Обеида, изјави дека до следната одлука повеќе нема да бидат ослободени заложниците.
Досега се случија пет размени на заложници и заробеници во првата фаза од примирјето коешто е во тек. Тројца израелски заложници беа ослободени минатата сабота.
Израелскиот министер за одбрана Израел Кац изјави во понеделникот дека најавата на Хамас за запирање на ослободувањето на заложниците претставува кршење на договорот за прекинот на огнот во Појасот Газа и дека ѝ наредил на војската да биде на највисоко ниво на приправност во палестинската енклава.
ИЗДВОЕНИ
Д-р Чибишев повикува на внимателност: Во конзервирана риба-туна откриена голема концетрација на жива која може да предизвика оштетувања на централниот нервен систем!
Мицкоски ќе предложи супермаркетите на своите веб страни да ги објавуваат цените на сите производи
Еден убиен и двајца ранети во вооружена престрелка во скопско Топанско поле
Тошковски: Од 5 444 исконтролирани возачи за пет дена, констатирани се 2 592 прекршоци, секој втор кој бил запрен сторил прекршок
