Прекинот на огнот дојде откако Хамас, кој САД и ЕУ го сметаат за терористичка организација, на 19 јануари ги објави имињата на тројцата заложници што планира да ги ослободи во текот на денот.
Почетокот на прекинот на огнот беше одложен за речиси три часа, а Израел претходно соопшти дека воената акција ќе продолжи се додека не се соопштат имињата на заложниците.
Милитантите најавија дека во текот на денот ќе го ослободат Дорон Штајнбречер, 31-годишен ветеринар кој го заробија на 7 октомври 2023 година, во Кибуц Кфар Аза, потоа Емили Дамари, 28-годишна британско-израелска државјанка заробена во истиот кибуц и Роми Гонен, 24-годишната која беше заробена на фестивалот Супернова.
Официјалниот израелски профил на платформата X сподели слика со имињата на првите 33 заложници кои се очекува да бидат ослободени.
Дорон Штајнбрехер, 31 година, ветеринарна сестра, била во својот дом во Кубуцот Кфар Аза кога нападна Хамас. Во 10:30, на 7 октомври, испратила говорна порака до пријателите: „Дојдоа, ме заробија“.
Емили Дамари, 28 години која има двојно британско-израелско државјанство, е земена како заложник од Кибуцот Кфар Аза. Зборувајќи на комеморацијата во Лондон на 6 октомври 2024 година, нејзината мајка Менди рече дека заложниците ослободени минатиот декември ѝ кажале дека имале контакт со Емили додека биле заедно во заложништво.
Роми Гонен, 24 години, упаднала во заседа додека се обидувала да избега од фестивалот Супернова. Нејзината мајка Мерав Лесхем Гонен се обратила до Советот за човекови права на ОН во јуни, апелирајќи на меѓународната помош за ослободување на заложниците.
Канцеларијата на израелскиот премиер објави дека ослободувањето на трите заложници кои Хамас ги држи во Газа ќе биде спроведено по 15 часот по средно европско време.
Во изјавата исто така е наведено дека уште четири живи заложници ќе бидат ослободени за седум дена. Оваа информација за ослободувањето на заложниците доаѓа во момент кога конечно започнува долгоочекуваниот прекин на огнот во Газа, по речиси три часа доцнење.
Првата фаза во прекинот на огнот, која трае 42 дена, би требало да резултира со враќање на вкупно 33 заложници од Газа и ослободувањето на стотина палестински затвореници и притвореници.
Израелските сили би требало да се повлечат во тампон зона во Газа, а многу раселени Палестинци би требало да се можат да се вратат во своите домови.
ИЗДВОЕНИ
ТЕОДОР НАЈБРЗ ДО КРСТОТ ВО СКОПЈЕ, МАРТИН ВО ОХРИД: Да создаваме дела достојни на името што го носиме – Бог се јави!
Падна и Раде Трајковски викан Штекли
Работниците добија 2.000 зголемување на платата, а платија 6.000 денари за поскапа храна
Сè повеќе небезбедна храна, опасниот пестицид пронајден во зелката го вклучи алармот
