Познатиот американски играч на голф, Грејсон Мареј, ненадејно почина во саботата, на 30-годишна возраст, а сега е откриена и причината за смртта. Веста за неговата смрт ја соопшти и здружението за голф ПГА. Мареј беше еден од подобрите играчи, а во петокот ненадејно се повлече од турнирот „Чарлс Шваб челинџ“. Никој немаше поим дека ќе биде пронајден мртов еден ден подоцна. Иако се шпекулираше дека е болен, неговите родители открија дека се работи за самоубиство.

  • Животот не беше секогаш лесен за Грејсон и иако си го одзеде животот, знаеме дека сега почива во мир – рекоа неговите родители, Ерик и Тери Мареј, во соопштение.

Мареј важеше за голем талент и освојуваше светски шампионски титули во периодот од 2006 до 2008 година. Меѓутоа, во 2017 година откри дека има проблеми со менталното здравје. Од 2021 година се бореше и со алкохолизмот и со депресијата.

ПОВРЗАНИ ОБЈАВИПОВЕЌЕ ОД АВТОРОТ