Градоначалникот на округот Брчко во Босна и Херцеговина, Синиша Милиќ денеска во изјава за медиумите рече дека децата кои биле пронајдени во куќата, а за кои постои сомневање дека се жртви на трговија со луѓе, моментално се сместени во еден од хотелите.
„Апсолутно е јасно дека она што се случи во Брчко оправдано привлече големо внимание во јавноста. Мислам дека во овој момент најважно е, имавме средба, институциите си ја вршат работата во овој случај. Работите се одвиваат според стандардите, полицијата и Обвинителството си ја вршат работата“, рече Синиша Милиќ во изјава за медиумите.
Во моментов им се обезбедува медицинска и психолошка поддршка.
„Децата во моментов се згрижени, имаат психолошка и медицинска поддршка. „Ние како Влада ќе продолжиме да им даваме поддршка на децата и се надевам дека истрагата со ова темпо ќе даде резултати“, рече тој и додаде.
„Децата се сместени во хотел, а во понеделник ќе преземеме уште некои чекори во однос на финансирањето и поддршката за овие деца. Мислам дека барем од таа перспектива можеме да бидеме задоволни што институциите си ја вршат работата“.
На крајот, тој рече дека не сака да го прејудицира исходот од истрагата што е во тек.
„Ова предизвика одреден негативен публицитет за самиот Брчко, дека сме имале 31 дете.. Можеби сите ние како заедница потфрливме, се надевам на најдоброто во се бидејќи идентификацијата на децата е во тек и не би го прејудицирал исходот од истрагата.
