Градоначалникот на Општина Кисела Вода, Орце Ѓорѓиевски, заедно со отец Оливер од хуманитарната организација „Свети Спас“, подготвија оброк за социјално загрозените семејства.
– За Божиќ, секое семејство заслужува богата трпеза, секој заслужува, барем за миг и покрај сѐ, да знае дека не е сам и дека има некој што мисли и на оние на кои ретко кој помислува. На тоа нè учи нашата верба во Бога – истакна Ѓорѓиевски.
Според Ѓорѓиевски, како што информираа од локалната самоуправа, со оваа акција голем број семејства ќе го почувствуваат празничниот дух и ќе го прослават Божиќ со насмевка.
– Ние се потрудивме да усреќиме голем број семејства на кои судбината, можеби, не била на нивна страна. И ова е само капка во океанот од нашата мисија: да работиме на тоа да нема повеќе луѓе што ќе имаат потреба од помош, туку да овозможиме нормални услови за живот – нагласи Ѓорѓиевски.
