Индиските и пакистанските војници разменија оган трета ноќ по ред долж контролната линија што ги разделува двете земји, соопшти индиската војска. Односите меѓу соседите се влошија откако Индија го обвини Пакистан за напад врз туристи во индиската држава Џаму и Кашмир претходно оваа недела, во кој загинаа 26 туристи.
Индиската армија соопшти дека нејзините војници одговориле на оган од лесно оружје отворен од пакистанските војници, објави Ал Џезира.
Пакистан засега не ја потврди размената на огнот.
Пакистан ги негираше обвинувањата на Индија за вмешаност во убиството на 26 туристи и возврати со протерување на индиски дипломати, затворање на својот воздушен простор за авиокомпании во сопственост и управувани од Индија и суспендирање на ограничената трговија меѓу двете земји.
Пакистанскиот премиер Шехбаз Шариф изјави во саботата на воен настан во Аботабад дека Пакистан е „отворен за учество во каква било неутрална, транспарентна и веродостојна истрага“ за нападот.
Пакистан побара меѓународна истрага за убиството на 26 мажи во туристичко место во индиската држава Џаму и Кашмир.
Одговорноста за нападот ја презеде малку познатата милитантна група, Кашмирски отпор, за која индиските безбедносни служби тврдат дека е параван на пакистанските организации како што се Лашкар-е-Таиба и Хизбул Муџахедин.
ИЗДВОЕНИ
НА СОБИРОТ ВО МЕЛНИК: Македонците во Бугарија го чествуваа Јане Сандански, порачаа дека ќе се борат за своите права
ВЛАСТА И ОПОЗИЦИЈАТА ГИ УТВРДУВААТ ФРОНТОВСКИТЕ ЛИНИИ ПРЕД ЛОКАЛНИТЕ ИЗБОРИ: Во клинч за анкети и проценти
Немаме гасовод, а кешираме по 300 илјади евра месечно за гас
„Ако вие, судии и обвинители, се плашите, еве ние, мајките, ќе застанеме пред вас и ќе ве браниме само дојдете до вистинскиот виновник“
