Американскиот претседател Доналд Трамп е уверен дека договорот за ставање крај на конфликтот во Украина може да се постигне уште оваа недела, изјави портпаролката на Белата куќа, Каролин Левит.
„Претседателот и неговиот тим се фокусирани на преговори со двете страни за да се стави крај на овој конфликт и тој е цврсто убеден дека тоа можеме да го постигнеме уште оваа недела“, рече Левитова.
Таа додаде дека Вашингтон продолжува со интензивните дипломатски напори и дека советникот за национална безбедност Мајк Волц ќе работи деноноќно за да се постигне договор.
– Трамп се стреми кон мир, тој сака убивањето да престане и невините луѓе повеќе да не умираат. „Тоа е неговиот главен приоритет во моментов“, нагласи портпаролката на Белата куќа.
На прашањето за можна средба меѓу Трамп и Путин, Левитова одговори дека во овој момент не може официјално да објави ништо, но посочи дека Белата куќа ги продолжува разговорите со двете страни.
На 18 февруари во Ријад се одржаа руско-американски преговори на високо ниво.
На крајот од средбата, двете страни се договорија да работат на целосно обновување на билатералната соработка, отстранување на ограничувањата за работата на амбасадите и започнување процес за политичко решение на ситуацијата во Украина.
Рускиот претседател Владимир Путин го пофали исходот од преговорите, нагласувајќи дека е постигнат конкретен резултат.
ИЗДВОЕНИ
Три години руска инвазија: Колку се промени Украина?
Фридрих Мерц стана најстариот германски канцелар во поновата историја: Кој е политичарот со два животи?
Почнува втората фаза од преговорите помеѓу САД и Русија: Една тема е во фокусот, откриен и датумот кога ќе се одржат
ИНТЕРВЈУ, ВЛАДО МИСАЈЛОВСКИ, МИНИСТЕР ЗА ОДБРАНА: НАТО е единствено и како такво ќе остане, нема и не треба да има сомнеж во нашето заедништво
