Голем „камбек“ на Камерон Дијаз: Се врати по 5 години пауза од јавната сцена – причината е очекувана/ФОТО

Актерката Камерон Дијаз, која сега има 52 години, се појави на црвениот тепих придружувана од колегата Џејми Фокс.

Камерон Дијаз се врати на црвениот тепих на 15 јануари на премиерата на филмот Back in Action во Берлин, ставајќи крај на своето повлекување од актерската сцена.

Како дел од нејзиниот камбек во Холивуд, актерката — која одлучи да ја прекине пензијата во 2022 година за да го снима филмот, го направи своето прво појавување на црвениот тепих по петгодишна пауза.

На премиерата на акционо-комедискиот филм во Берлин, Камерон блесна во класичен црн ансамбл. Таа носеше проѕирна блуза, фармерки со висок струк и мокасини, а изгледот го надополни со долг волнен капут, златен накит од Џенифер Фишер и црвен кармин.

Дијаз беше придружувана од Џејми Фокс, кој, според неа, одиграл клучна улога во нејзиното враќање на актерството.

„Едноставно не можев да му одбијам на Џејми“, изјави Камерон за магазинот Fortune минатата година. „Тој ми рече: ‘Дојди со мене’“.

Снимањето на „Враќање во акција“ беше посебен момент за ѕвездата од „Чарлиевите ангели“.

„Последниот филм што го снимив беше Ени со Џејми“, изјави таа во 2022 година во гостувањето кај Џими Фалон. „Па така, мојот филм за враќање повторно е со него“.

„Снимањето филмови е специфична вештина која е забавна, но и предизвикувачка“, рече Камерон за CBS News во 2022 година. „Но, тоа е сосема поинаков начин на живот. И мора да бидете подготвени за него“.

По повеќе од 40 филмови од своето деби во 1990-тите, Дијаз одлучи да се посвети на други аспекти од животот, вклучувајќи го и создавањето семејство со сопругот Бенџи Меден, со кого е во брак веќе пет години.

„Кога правиш нешто во кое си добар, а тоа ти го зазема целиот живот толку долго“, објасни Камерон, која ја доби ќерката Радикс во 2019 година и синот Кардинал во 2024 година, „убаво е да застанеш за момент, да направиш биланс. Гледаш поширока слика и се прашуваш: што можам да направам подобро, на што можам повеќе да се фокусирам и што навистина ќе ме исполни“.

Таа заклучи: „И тоа го направив“.