Екипата на Голден стејт тргнува по Леброн Џејмс, сакајќи да го спои со својата прва ѕвезда, Стеф Кари. Ова го објави НБА-инсајдерот Брајан Виндхорст од ЕСПН, кој откри дека „воините“ се обидуваат да се засилат оваа сезона откако летово останаа без услугите на Клеј Томпсон.
Познатиот новинар ги откри плановите на Голден стејт, односно кои двајца играчи ги посакува.
- Голден стејт активно бара ѕвезда. Во текот на летото имаше неколку ѕвезди. Ако е слободен Џими Батлер и „воините“ мислат дека може да го добијат, можеби, тоа е тој. Но, на нивната листа е и Леброн Џејмс –изјави Виндхорст.
Сепак, се чини дека Леброн не сака да оди никаде, иако претходно изјави дека би сакал да игра покрај Кари.
- Леброн се прашува. Има клаузула „забрана за размена“ и ништо не покажува, освен дека сака Лејкерс да се засили, но изгледа дека не оди според плановите. Поради тоа, сака да си замине. Би излажал ако кажам дека не се зборува за тоа, но ќе видиме дали ќе се премисли во одреден момент – изјави Виндхорст.
