Новак Ѓоковиќ ја продолжува потрагата по јубилејната, 100-та титула во кариерата, а на Мастерсот во Монте Карло пристигнува нова можност за историски успех. Сепак, најдобриот српски тенисер вели дека и покрај желбата да оди што подалеку, неговите очекувања не се толку големи како и обично.
Во интервју за Спорт Клуб, Ѓоковиќ отворено зборуваше за причините за малку поинаков пристап кон турнирот.
“Енди нема да дојде оваа недела, мојот брат Марко е тука во улога на тренер. Ќе го видам Енди подоцна во Мадрид. Размислував кој би можел да го замени, Марко беше во можност и тоа ќе ми помогне на поинакво емотивно ниво. Ќе поминам малку време со мојот брат на гости”, изјави Новак.
Марко Ѓоковиќ, поранешен тенисер, во професионалната кариера одигра само четири меча, а последен пат на теренот се појави во 2019 година.
Во конкуренција на двојки забележа резултат 3-10. Иако без големо тренерско искуство, неговото присуство на Новак ќе му значи нешто на личен план, особено во делот од сезоната кој доаѓа по еден предизвикувачки период.
Novak is accompanied by his brother Marko while practicing. Coach Andy will be missed. pic.twitter.com/lly9wv2gJj
— Rishi Kumar
(@rishi45kumar) April 6, 2025
