Најдобриот тенисер на сите времиња Новак Ѓоковиќ се огласи на својот Инстаграм профил среде големиот протест на кој стотици илјади српски граѓани оваа сабота излегоа на улиците на Белград.
Студентските протести во Србија наидоа и на негово одобрување. Ѓоковиќ денеска повторно застана на страната на студентите.
На првата фотографија, покрај панорамската снимка од Белград, пишуваше „Србија“ со три емотикони од српското знаме, додека на втората беше прикажан центарот на Белград со натпис „Историја, величествено“.
Инаку, Ѓоковиќ јавно се обрати на студентските протести во јануари, по победата на Австралија опен. Потоа со маркер на камерата напиша „За Соња“, студентката која беше повредена на тротоар од возач на автомобил. Потоа присуствуваше на кошаркарскиот натпревар помеѓу Црвена Звезда Белград и Партизан, а на истиот присуствуваше облечен во маица со натпис „Студентите се шампиони“(Students Are Champions).
