Денеска во Специјалниот суд во Белград продолжува судењето на родителите на момчето кое пукаше во ОУ „Владислав Рибникар“ при што беа убиени девет ученици и чуварот во училиштето, а пет ученици и професорката по историја беа ранети. Момчето ќе продолжи да сведочи и да одговара на прашања на родителите на жртвите, но и на своите родители.
„Мојот впечаток, врз основа на сето она што го видов, е дека родителите сакаат одговор зошто момчето им ги убило децата. Имавме можност да слушнеме дека момчето убиец пукал во учениците во своето одделение, дури и дете кое го сметало неговиот најдобар пријател, кој тешко се повреди“, вели новинарката на српската телевизија Курир.
Како што рекла таа, кога момчето го прашале зошто пукал во него и дали му е најдобар пријател, тој одговорил: „Не баш“.
„На прашањето дали знаеш дека те смета за негов најдобар пријател, тој рече: „Не знам“. На прашањето на една мајка зошто пукал во нејзиното дете, тој одговорил: „Затоа што не сакаше да им помага на другите деца“.
„Кога таа презентираше дека има докази дека нејзиното дете, кое беше убиено, му помогало на момчето убиец, тој рекол: „Не се сеќавам.