Познатиот македонски кардиолог Сашко Кедев постигна нов успех во неговата мисија да си искачи сите врвови со надморска височина поголема од 8.000 метри.
Tој го искачи Гашербрум II кој е со надморска висина од 8.035 метри и ова претставува негово 11искачување од вкупно 14 врвови кои надминуваат 8 илјади метри.
Гашербрум II, позната и како К4, е 13 највисока планина на Земјата. Сместена е на границата помеѓу провинцијата Гилгит-Балтистан, Пакистан, и автономниот регион Синјанг, Кина. Со висина од 8.035 метри, Гашербрум II претставува третиот највисок врв од масивот Гашербрум, сместен во венецот Каракорам на Хималаите. Планината за првпат била освоена на 7 јули 1956 година од страна на Фриц Морав, Јозеф Ларх и Ханс Виленпарт, членови на австриска експедиција.
Во мај годинава, само десетина дена откако го искачи врвот Макалу, македонскиот кардиолог и алпинист, Сашко Кедев, направи уште еден голем подвиг, го освои четвртиот највисок врв во светот, Лоце кој се наоѓа на Хималаите и е висок 8.516 метри.
Инаку, до сега д-р Кедев ги има искачено Монт Еверест (8.848 метри), K2 (8.611 метри), Лоце (8.516 метри), Макалу (8.463 метри) Чо-Оју (8.201 метри), Даулагири (8.167 метри), Манаслу (8.163 метри) Нг Парбот (8.125 метри), Анапурна (8.091 метри), Броуд Пик (8.047 метри).
Следни за искачување се Канченџунга (8.586 метри), Гашербрум I (8068 метри) и Сишапангма (8.НН013 метри).
