Најдобриот тенисер на сите времиња Србинот Новак Ѓоковиќ го доби својот часовник. Познатиот швајцарски бренд „Hublot“ дизајнираше специјален часовник посветен на најдобриот тенисер на сите времиња, создаден од апсолутно уникатен и досега невиден материјал.
Станува збор за композит составен од 25 хед рекети, 17 темно сини и 15 светло сини Лакост поло маици кои Ѓоковиќ ги користеше во сезоната 2023.
Симболиката е повеќе од јасна, бидејќи тоа е сезона во која целиот свет беше сведок на пишување историја и рушење на рекорди, бидејќи Ѓоковиќ ја освои 24. грен слем титула во сингл, објаснето во текстот на порталот „Watch and Jewelry.“
За се да биде уште поинтересно – линијата на часовници Новак Ѓоковиќ ќе биде ограничена на 100 примероци. Достигнува до колекционерите ширум светот, вклучително и Србија, во луксузната кутија на „Hublot“ од одржливи извори. Целосно направен од даб, вклучувајќи ги и шарките, ќе привлече и многу љубопитни погледи.
View this post on Instagram
