Германски хирург со години злоупотребувал пациентки – ги допирал и снимал, најмладата има 14 години

Хирург од Германија е обвинет за снимање и злоупотреба на пациентки, меѓу кои и една на 14-годишна возраст.

Хано Х. (43) од Брамше, Долна Саксонија во северозападна Германија, наводно снимал и допирал жени во 190 наврати, се наведува во обвинението што стигнало до германскиот дневен весник „Билд“.

Најмладата жртва наводно има само 14 години. Ортопедски хирург e обвинет дека со години вршел злоупотреба на пациентки.

Еден од неговите пациентки пред четири години наводно забележала дека хирургот со својот телефон ја снима нејзината интимна зона и ја известила полицијата која започнала истрага.

Полицијата потоа пронашла повеќе од 100.000 фотографии и видеа од голи жени, од кои најмалку 20.000 се релевантни за претстојното судење на Хано Х., објавија локалните медиуми.

Поради огромниот број на слики и видеа пронајдени кај Хано Х., се верува дека на инспекторите им биле потребни години да ги прочешлаат сите снимки. Некои од жртвите сѐ уште не се идентификувани.

Хано ги негираше сите обвинувања.

Тој, наводно, тврдел дека целото „интимно допирање“ било медицински неопходно, но истражителите веруваат дека тоа била лага што се користела за да се изгради неговата одбрана.

Судењето на Хано Х., кое поради малолетните жртви делумно ќе се одржи во судот за малолетници, треба да започне во октомври.

Лекарот беше обвинет за искористување на медицински однос, што според германските закони е казниво од три месеци до пет години затвор.