Во текот на изминатите неколку дена, екипите на јавното претпријатие Комунална Хигиена спроведоа акција за генерално чистење на Старата скопска чаршија.
Од претпријатието информираат дека во рамките на акцијата било извршено рачно и машинско метење, како и рачно миење на целокупниот простор на чаршијата.
Воедно, в.д. директорот на ЈП Комунална Хигиена, Јетон Незири, реализирал средба со претставниците на Здружението на еснафот на чаршијата, со коишто било дискутирано дека и во претстојниот период претпријатието ќе продолжи со спроведување засилени активности за одржување на максималното ниво на хигиената во оваа значајна туристичка атракција на градот Скопје.
