Фондот за здравствено осигурување на Македонија (ФЗОМ) ги известува граѓаните за сериозна фишинг измама која се одвива преку лажна веб-страница со адреса fzom.net.
„Оваа веб-страница се претставува како официјална страница на ФЗОМ (fzo.org.mk) и има за цел да украде лични и финансиски податоци на граѓаните“, предупредуваат од ФЗОМ.
Измамниците, како што се наведува во соопштението на ФЗОМ, преку fzom.net се обидуваат да ги измамат граѓаните да ги внесат своите:
- Лични податоци (име, презиме, матичен број, адреса);
- Податоци за здравствено осигурување;
- Податоци за банкарски сметки и кредитни картички;
- Кориснички имиња и лозинки.
Фондот за здравствено осигурување на Македонија ги предупредува граѓаните да не ги внесуваат своите лични податоци на веб-страницата fzom.net и нагласува оти официјалната веб-страница на Фондот е исклучиво fzo.org.mk.
- Проверете ја внимателно веб-адресата пред да внесете какви било лични податоци.
- Не кликајте на линкови од сомнителни е-пошти или пораки.
- Не споделувајте ги вашите кориснички имиња и лозинки со никого.
- Пријавете ги сите сомнителни активности на ФЗОМ или во најблиската полициска станица.
- Официјалната веб страна на ФЗОМ никогаш нема да побара од вас внесување на банкарски податоци.
Од ФЗОМ информираат дека веќе се преземаат мерки за блокирање на лажната веб-страница и за заштита на граѓаните. Фондот соработува со надлежните органи за да ги идентификува и казни сторителите на оваа измама.
За дополнителни информации и пријавување на сомнителни активности, ФЗОМ со апел до граѓаните дека можат да се обратат на:
- Официјалната веб-страница на ФЗОМ: fzo.org.mk
- Телефонскиот број на ФЗОМ:
- 02 3289 000
- Е-пошта: [email protected]
