Руската Федерална служба за безбедност (ФСБ) и специјалните служби на Узбекистан преземаат мерки за откривање на соучесниците во убиството на началникот на воената единица за радиолошка, хемиска и биолошка заштита на руските вооружени сили, генерал-полковник Игор Кирилов и неговиот помошник. Илја Поликарпов, соопшти Центарот за односи со јавноста ФСБ.
„Федералната служба за безбедност, во тесна соработка со специјалните служби на Република Узбекистан, спроведува низа оперативни и истражни мерки за утврдување на можни соучесници и други околности за активирање на импровизирана експлозивна направа што резултираше со смрт на началникот на трупите на РКХБЗ на вооружените сили на Руската Федерација, генерал-полковник Игор Кирилов и неговиот помошник мајор Илја Поликарпов“, се наведува во соопштението, пренесува ТАСС.
ФСБ нагласи дека „специјалните служби на Република Узбекистан ја даваат сета можна помош“.
