Големата модринка на десната рака на американскиот претседател Доналд Трамп е резултат на ракување, објави Белата куќа по ширењето на теоријата на социјалните мрежи дека модринката е предизвикана од интравенска терапија.
Модринката била видлива за време на вчерашната посета на францускиот претседател Емануел Макрон на Белата куќа.
„Претседателот Трамп е човек од народот“, рече портпаролката на Белата куќа Каролина Левит, додавајќи: „Неговата посветеност е непоколеблива и тој тоа го докажува секој ден“.
Some photos over the lasr few months show bruising on Trump’s hand. Maybe bruising from an iv. Always seems to be on the same hand. Getting a weekend at Bernies vibe. The thinning hair and bruising might be something serious. Not just clumsy and old. pic.twitter.com/z0oXzklsaH
— George CantStandYa blocked by Rudy🌊🌊🏳️🌈🆘 (@CantStandya2018) February 25, 2025
„Претседателот Трамп има модринки на раката од постојаното работење и ракување секој ден, цел ден“, додаде Левит во следната изјава, објави „Ен-Би-Си њуз“ (NBC News).
И претходно имал модринка на истото место
Трамп имаше видлива модринка или црвенило на десната рака во најмалку два други пригоди, во август и ноември минатата година, објави „Ен-Би-Си њуз, повикувајќи се на агенциски фотографии.
Модринки на десната рака на Трамп беа забележани и од различни медиуми во 2024 година. „Тоа е од ракување со илјадници луѓе“, изјави Трамп за магазинот „Тајм“ во декември 2024 година.
The MAGA say they love VP Trump, but no one seems to be concerned about this crazy bruise he’s had on his hand for weeks? And what the hell is this thing on his arm?
Good thing they have President Musk now. 😬😅 https://t.co/LvhIchEj3l pic.twitter.com/QtcAC7bIOB
— Ms. M @msmalarkey24.bsky.social (@MsMalarkey24) December 21, 2024
Трамп кон крајот на минатата година изјави дека ќе објави медицински извештај за неговата здравствена состојба, но тој сè уште не е објавен.
