Огнено торнадо е снимено во долината Сан Фернандо во Лос Анџелес, феномен предизвикан од силните ветрови во област која веќе четири дена е загрозена од големи пожари.
Феноменот е забележан во близина на градот Пацифик Палисадес, еден од најтешко погодените од катастрофалните пожари во кои според последните податоци загинаа 11 лица, додека уништени се 11.000 згради, објави Dailymail.
Иако денеска состојбата на терен е нешто подобра, уште најмалку три пожари не се ставени под контрола. Најновата снимка покажува огнено торнадо кое се формира додека пламените јазици се приближуваат до долината Сан Фернандо. Огненото торнадо е ретка појава која се јавува кога пожарот, заедно со турбулентните ветрови, создава огнен вител, заедно со пепел и чад.
WATCH: A 'fire tornado' has been spotted in the Los Angeles Pacific Palisades blaze. A news crew filmed the phenomenon from a chopper as it circled the San Fernando Valley.
pic.twitter.com/cvCaJ7586A— TV News Now (@TVNewsNow) January 11, 2025
На видеото е прикажано вртливо огнено торнадо додека пламенот се шири кон планините Санта Моника. Огненото торнадо е снимено од новинарски екипи кои известуваат за ситуацијата на теренот.
Џозеф Бајден, американскиот претседател во заминување, пристигна во Калифорнија и рече дека бројот на жртвите од катастрофата веројатно не е конечен. Јавното здравство на округот Лос Анџелес издаде наредба за јавно здравје, во која се наведува дека пожарите „сериозно го нарушиле квалитетот на воздухот и претставуваат непосреден и долгорочен ризик за јавното здравје“.
Канадер удри во дрон при гаснење на пожарите во Лос Анџелес/ВИДЕО
ИЗДВОЕНИ
Јавното обвинителство ниту еднаш не дало позитивно мислење и не се согласило со условниот отпуст на Мијалков
Познато на чие барање и од кои причини: „Интерпол“ го издаде првото „сребрено известување“ во својата историја
Почнувајќи од ноќеска: УХМР најавува студен бран со обилни врнежи од снег
Бобан Илиоски: Немам идоли, јас сум човек што го идолизира Господ
