Кроткото бездомно куче кое што повеќе од 20 пати беше ѕверски удирано по главата од вработен во фирма во Момин Поток, откако беше однесено во ЈП „Лајка“ закрепнува.
-Посилен од 20 удари со метална шипка, срце на јунак и покрај монструозното насилство кое го доживеа, Феликс се гали, се радува на човечки допир и ни верува дека сме тука за да му помогнеме. Се надеваме дека полека излегуваме од критичната фаза, иако постојано е под терапии заради оток на главата, потрес на мозок и неконтролирано мокрење. Важно е дека е свесен и респонзивен – соопштија од ЈП „Лајка“.
